Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het vanaf Januarie 2027 op die Pretoria-kampus ʼn deeltydse pos vir ʼn dosent in Latyn in die Departement Tale en Kultuurwetenskappe beskikbaar. Die suksesvolle kandidaat sal lesings op Gerhardstraat-kampus, in persoon, fasiliteer.

Laai asseblief u CV in Afrikaans op as deel van u aansoek.

P O S D O E L S T E L L I N G

ʼn Dosent is daarvoor verantwoordelik om gehalteonderrig aan studente te bied deur innoverende klasaanbiedings en leerervarings. Die vorming van studente tot goedgevormde mense word hoog op prys gestel. ʼn Dosent streef daarna om as leier op ʼn vakgebied erken te word en streef verdieping in alle klasaanbiedinge na.

V E R A N T W O O R D E L I K H E D E

• voorbereiding en dosering van die module-inhoud op kampus

• opstel van assesseringsaktiwiteite in ʼn kontakleeromgewing in samewerking met die dosent op die Paarl-kampus

• nasien van assesseringsaktiwiteite

• lewer bystand en akademiese ondersteuning aan studente

P O S V E R E I S T E S

• ʼn honneursgraad of hoër kwalifikasie in Latyn of Antieke Tale

• ervaring in die hoëronderwysomgewing sal in 'n kandidaat se guns tel

V A A R D I G H E D E

• sterk verbale en geskrewe kommunikasievaardighede

• interpersoonlike vaardighede

• prioritiserings- en tydsbestuursvaardighede

• onafhanklik in ʼn spanverband funksioneer

• inisiatief neem en oplossingsgedrewe

• beskik oor vermoë om werk onder druk te voltooi

• ʼn ambassadeur vir Akademia wees deur te help om die instelling uit te bou en ʼn liefde vir Afrikaans te hê

Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.