Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het vanaf Januarie 2027 deeltydse poste op die Paarl-kampus beskikbaar vir dosente in die Departement Privaat- en Handelsreg in die Fakulteit Regsgeleerdheid, en spesifiek vir die volgende modules: Personereg, Erfreg en Deliktereg, asook vir die twee diensmodules, Handelsreg en Kommersiële Reg, wat vanuit die Fakulteit Ekonomiese en Bestuurswetenskappe aangebied word.

Laai asseblief u CV in Afrikaans op as deel van u aansoek.

P O S D O E L S T E L L I N G

ʼn Deeltydse dosent is daarvoor verantwoordelik om gehalteonderrig aan studente te bied deur klasaanbiedings en leerervarings. Die pos vereis dat akademiese take, wat onderrig, navorsing, asook akademiese gemeenskapdeelname insluit, ywerig verrig word. Die vorming van studente tot goedgevormde mense word hoog geag. ʼn Dosent streef daarna om as leier in ʼn vakgebied erken te word en streef na verdieping in alle klasaanbiedings.

V E R A N T W O O R D E L I K H E D E

Verantwoordelikhede sluit in, maar is nie beperk nie tot:

• voorbereiding en dosering van die moduleinhoud

• kurrikulumontwikkeling

• navorsing op vakgebied ter ondersteuning van onderrig en leer, en professionele ontwikkeling

• opstel van assesseringsaktiwiteite in ʼn kontak- en afstandsleeromgewing

• akademiese gemeenskapsdeelname

• lewering van bystand en akademiese ondersteuning aan studente

P O S V E R E I S T E S

• ʼn meestersgraad in ʼn privaat- of handelsregdissipline (LLD voordelig)

• toepaslike praktyksondervinding

• hoëronderwyservaring in die onderrig van die genoemde dissiplines (aanbeveling)

• ervaring in versnitte leer (blended learning)

• blootstelling aan en vorige gebruik van onderwysmedia

V A A R D I G H E D E

• sterk verbale en geskrewe kommunikasievaardighede

• interpersoonlike vaardighede

• prioritiserings- en tydsbestuursvaardighede

• om onafhanklik in ʼn spanverband te funksioneer

• die neem van inisiatief

• oplossingsgedrewe

• vermoë om werk onder druk te voltooi

• om ʼn ambassadeur vir Akademia te wees deur te help om die instelling uit te bou en ʼn liefde vir Afrikaans te hê

Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.