Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het vanaf Januarie 2027 op die Paarl-kampus ʼn voltydse pos vir ʼn dosent in Rekenaarwetenskappe in die Departement Rekenaarwetenskappe in die Fakulteit Natuurwetenskappe beskikbaar.

Laai asseblief u CV in Afrikaans op as deel van u aansoek.

P O S D O E L S T E L L I N G

ʼn Dosent is daarvoor verantwoordelik om gehalteonderrig aan studente te bied deur innoverende klasaanbiedings en leerervarings. Die pos vereis dat akademiese take, navorsing en innovering asook akademiese gemeenskapsdeelname ywerig verrig word. Die vorming van studente tot goedgevormde mense word hoog op prys gestel. ʼn Dosent streef daarna om as leier op ʼn vakgebied erken te word en streef verdieping in alle klasaanbiedinge na.

V E R A N T W O O R D E L I K H E D E

• voorbereiding en dosering van die moduleinhoud

• kurrikulumontwikkeling

• navorsing op vakgebied ter ondersteuning van onderrig en leer, en professionele ontwikkeling

• opstel van assesseringsaktiwiteite in ʼn kontakleeromgewing

• akademiese gemeenskapsdeelname

• lewering van bystand en akademiese ondersteuning aan studente

P O S V E R E I S T E S

• ʼn meestersgraad in Rekenaarwetenskappe (kandidate met ʼn honneursgraad en ervaring in onderrig of opleiding sal ook oorweeg word)

• kundigheid en ervaring in die spesialisareas van datawetenskappe en/of sagteware-ontwikkeling

• kennis van een of meer rekenaartale

• gebruik van databasisse

• kennis van sagteware-argitektuur, rekenaargrafika, en datawetenskappe

• ervaring in versnitte leer (blended learning)

• blootstelling aan en vorige gebruik van onderwysmedia

V A A R D I G H E D E

• sterk verbale en geskrewe kommunikasievaardighede

• interpersoonlike vaardighede

• prioritiserings- en tydsbestuursvaardighede

• onafhanklik in ʼn spanverband funksioneer

• inisiatief kan neem

• oplossingsgedrewe

• vermoë om werk onder druk te voltooi

• ʼn liefde vir Afrikaans

• ʼn ambassadeur vir Akademia wees deur te help om die instelling uit te bou

Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.