Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het tans ʼn voltydse pos vir ʼn beampte: Sport (rugby) in die Studentesake-afdeling beskikbaar. Die pos sal in Pretoria gesetel wees

Laai asseblief u Afrikaanse CV op as deel van u aansoek.

P O S D O E L S T E L L I N G

Die beampte: Sport (rugby) vervul ʼn uitvoerende rol en is verantwoordelik vir die organisering en bestuur van rugby op koshuis- sowel as instellingsvlak. Die rol ondersteun die effektiewe implementering van die rugbyprogram, -prosesse en strukture binne die oorhoofse sportstrategie, asook die uitbou van netwerke en bewusmaking in die rugbymilieu. Die beampte: Sport (rugby) bied ondersteuning aan rolspelers en dra by tot die ontwikkeling van ʼn gestruktureerde en opbouende sportomgewing wat studente se deelname en vorming bevorder. Die posbekleër sal aan die leier: Sport rapporteer

V E R A N T W O O R D E L I K H E D E

• bevorder rugbydeelname, -kompetering en -ondersteuning as ʼn instrument in die ontwikkeling en vorming van studente

• bestuur, beplan, koördineer, bevorder en evalueer Akademia se rugbyprogram op ontspannings-, koshuis- sowel as instellingsvlak

• vestig Akademia as ʼn rugbytuiste vir die gemeenskap

• verleen hulp vir die uitbou van sportligas op instellings- sowel as koshuisvlak

• bestuur en ontwikkel rugbyafrigters

• bestuur van rugbyfasiliteite, -bates en -voorraad

• interne en eksterne bewusmaking, netwerking en bemarking van rugby

• vorm deel van die afrigtingspan op instellings- sowel as koshuisvlak

P O S V E R E I S T E S

• baccalaureusgraad (NKR-vlak 7)

• drie tot vyf jaar se ervaring in die ontwikkeling en vorming van jongmense

• kennis van Akademia en van die hoëronderwysomgewing in die algemeen

• een tot drie jaar se rugbybestuurservaring en -afrigting op hoërskooleerstespan-/klub-/ universiteitsvlak

• vlak 2-afrigtingskwalifikasie (voordelig)

• toepaslike ondervinding in ʼn hoëronderwys-sportomgewing en sportbestuur, studentelewe, koshuislewe, studenteleierskap, beleidformulering en/of projekbestuur (voordelig)

V A A R D I G H E D E

• vormingsingesteldheid, hoë energievlakke en interpersoonlike vaardighede

• goeie bestuurs- en organiseringsvaardighede asook strategiese beplanningsvaardighede

• effektiewe kommunikasievaardighede, prosesontwikkeling en -implementering, en probleemoplossingsvaardighede

• handhawing van goeie menseverhoudinge en hoë emosionele intelligensie

• vermoë om onafhanklik en binne ʼn span te werk

• sterk etiese ingesteldheid en vermoë om met vertroulike inligting te werk

• goeie tydsbestuur en prioritiseringsvermoë

• deursettingsvermoë, vermoë om onder hoë druk te funksioneer

• aanpasbaar en ʼn positiewe ingesteldheid, dryfkrag, motivering en inisiatief kan neem

Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.