Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het vanaf Januarie 2027 op die Paarl-kampus ʼn deeltydse pos vir ʼn dosent in die Musiek-komponent van die Lewensvaardighede-module in die BEd-programme (Grondslagfase-onderwys en Intermediêre Fase-onderwys) van die Fakulteit Opvoedkunde beskikbaar. Die module word in die eerste semester via die voltydse kampusmodel op die Paarl-kampus aangebied. Die Musiek-komponent beslaan 25% van die Lewensvaardighede-module.

Laai asseblief u CV in Afrikaans op as deel van u aansoek.

P O S D O E L S T E L L I N G

ʼn Dosent is daarvoor verantwoordelik om hoëgehalteonderrig aan studente te bied deur innoverende klasaanbiedings en leerervarings. Die pos vereis dat akademiese take, navorsing en innovering, asook akademiese gemeenskapsdeelname, ywerig verrig word. Die vorming van studente tot goedgevormde mense word hoog op prys gestel. ʼn Dosent streef daarna om as leier in ʼn vakgebied erken te word en streef verdieping in alle klasaanbiedings na.

V E R A N T W O O R D E L I K H E D E

• voorbereiding en dosering van die moduleinhoud

• kurrikulumontwikkeling

• navorsing op vakgebied ter ondersteuning van onderrig en leer, en professionele ontwikkeling

• opstel van assesseringsaktiwiteite in ʼn kontakleeromgewing

• lewering van bystand en akademiese ondersteuning aan studente

P O S V E R E I S T E S

• ʼn honneursgraad in Musiek plus ʼn onderwyskwalifikasie of ʼn BEd-honneursgraad (met Musiek as hoofvak op voorgraadse vlak) OF ekwivalent

• drie jaar se ervaring in die onderrig van Musiek op skoolvlak en/of minstens twee jaar ervaring in die onderrig van Musiek in hoër onderwys

• blootstelling aan en vorige gebruik van onderwystegnologieë

V A A R D I G H E D E

• sterk verbale en geskrewe kommunikasievaardighede

• interpersoonlike vaardighede

• prioritiserings- en tydsbestuursvaardighede

• onafhanklik in ʼn spanverband funksioneer

• inisiatief neem en oplossingsgedrewe

• vermoë om werk onder druk te voltooi

• ʼn liefde vir Afrikaans

• ʼn ambassadeur vir Akademia wees deur te help om die instelling uit te bou

Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.