Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het ʼn pos vir ʼn koördineerder: Studentewelstand in die Studentesake-afdeling beskikbaar. Die pos sal in Paarl gesetel wees.

Laai asseblief u CV in Afrikaans op as deel van u aansoek.

P O S D O E L S T E L L I N G

Die koördineerder: Studentewelstand is verantwoordelik vir die koördineer en bestuur van proaktiewe studentewelstand, bewusmaking en intervensies. Die posbekleër sal in noue samewerking met die studenteraad en ook die huiskomitees werk wat ook die bestuur en uitbrei van die Voogde-inisiatief insluit.

V E R A N T W O O R D E L I K H E D E

• reël en koördineer welstandsaktiwiteite

• implementeer en voer die mediese strategie uit

• reël en woon welstandsaktiwiteite by

• onderhou verhoudings en netwerke met die gemeenskap en studenteomgewing

• bied bystand en ondersteuning binne die Studentesake-afdeling

• bevorder deelname deur ondersteuning van en betrokkenheid by welstandsaktiwiteite aan te moedig en te bevorder

P O S V E R E I S T E S

• baccalaureusgraad (NKR-vlak 7)

• een tot twee jaar toepaslike ervaring

• goeie begrip van studenteaktiwiteite (voordelig)

• moet kennis van Akademia en van die hoëronderwysomgewing in die algemeen hê

• toepaslike ondervinding in ʼn hoëronderwys-kultuur, studentelewe, koshuislewe, en/of projekbestuur (voordelig)

V A A R D I G H E D E

• uitnemende administrasie en kommunikasievaardighede

• goeie probleemoplossings- en analitiese vaardighede

• deursettingsvermoë

• kan funksioneer onder hoë druk en take implementeer

• projekgedrewe

• neem inisiatief en doelgerig

• prioritiseringsvermoë

• administratiewe en rekenaarvaardighede

• interpersoonlike verhoudings

Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.