Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het ʼn pos vir ʼn koördineerder: Studentelewe in die Studentesake-afdeling beskikbaar. Die pos sal in Paarl gesetel wees.

Laai asseblief u CV in Afrikaans op as deel van u aansoek.

P O S D O E L S T E L L I N G

Die posbekleër sal spesifiek op die koördinering van studentelewestrukture asook studenteleweaktiwiteite in samewerking met die bestuurder: Studentelewe fokus. Die koördineerder: Studentelewe sal nou saam met die onderskeie studenteleierstrukture en veral die studenteraad werk.

V E R A N T W O O R D E L I K H E D E

• reël en koördineer van studenteleweaktiwiteite

• implementeer en uitbou van die studentelewestrategie

• reël en bywoon van studenteaktiwiteite

• reël en koördineer van die eerstejaarskamp en oriënteringsaktiwiteite

• ondersteuning bied in studenteleieropleidingsgeleenthede in samewerking met die bestuurder: Studentelewe

• koördineer die studentelewejaarbeplanner met die oog op ʼn vormende studentebelewenis vir die studente

• skakel met die NP van Wyk Louw-sentrum en dien as skakel vir die reël en koördineer van hulle aksies en aktiwiteite

• onderhou verhoudings en netwerke met die gemeenskap en studenteomgewing

• bevorder studentedeelname aan aktiwiteite deur ondersteuning van en betrokkenheid by studenteleweaktiwiteite aan te moedig en te bevorder

• bied ondersteuning binne die Studentesake-afdeling

P O S V E R E I S T E S

• baccalaureusgraad (NKR-vlak 7)

• een tot twee jaar ervaring in die uitvoer van studenteaktiwiteite

• goeie begrip van studenteaktiwiteite (voordelig)

• kennis van Akademia en die hoëronderwysomgewing in die algemeen (voordelig)

• toepaslike ondervinding in ʼn hoëronderwys-kultuur, -studentelewe, -koshuislewe, en/of -projekbestuur (voordelig)

V A A R D I G H E D E

• uitnemende administrasie en kommunikasievaardighede

• goeie probleemoplossings- en analitiese vaardighede

• deursettingsvermoë

• kan funksioneer onder hoë druk en take implementeer

• projekgedrewe

• neem inisiatief en doelgerig

• prioritiseringsvermoë

• administratiewe en rekenaarvaardighede

• interpersoonlike verhoudings

Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.