Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het vanaf Januarie 2027 op die Paarl-kampus ʼn deeltydse pos vir ʼn dosent in Besigheidskommunikasie in die Fakulteit Tale en Kultuurwetenskappe beskikbaar.

Laai asseblief u CV in Afrikaans op as deel van u aansoek.

P O S D O E L S T E L L I N G

ʼn Dosent is daarvoor verantwoordelik om gehalteonderrig aan studente te bied deur innoverende klasaanbiedings en leerervarings. Die vorming van studente tot goedgevormde mense word hoog op prys gestel. ʼn Dosent streef daarna om as leier op ʼn vakgebied erken te word en streef verdieping in alle klasaanbiedinge na.

V E R A N T W O O R D E L I K H E D E

• voorbereiding en dosering van die moduleinhoud op kampus

• opstel van assesseringsaktiwiteite in ʼn kontakleeromgewing in samewerking met die dosent in Centurion

• nasien van assesseringsaktiwiteite

• lewering van bystand en akademiese ondersteuning aan studente

P O S V E R E I S T E S

• ʼn honneursgraad of hoër kwalifikasie in Kommunikasiebestuur, Bemarking of ʼn verwante veld

• praktykervaring

• ervaring in die hoëronderwysomgewing (voordelig)

V A A R D I G H E D E

• sterk verbale en geskrewe kommunikasievaardighede

• interpersoonlike vaardighede

• prioritiserings- en tydsbestuursvaardighede

• onafhanklik in ʼn spanverband funksioneer

• inisiatief kan neem en oplossingsgedrewe

• vermoë om werk onder druk te voltooi

• liefde vir Afrikaans

Akademia behou die reg voor om nie ʼn aanstelling te maak nie. Akademia is kragtens die Wet op Hoër Onderwys 75 van 1997 by die Departement van Hoër Onderwys en Opleiding geregistreer (registrasienommer: 2011/HE08/005). Akademia is deel van die Solidariteit Beweging.