Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het tans ʼn voltydse pos in Pretoria vir ʼn junior adviseur: Bemarking in die Bemarking en Kommunikasie-afdeling se Bemarking-span beskikbaar.

P O S D O E L S T E L L I N G

Akademia se studente het ʼn keuse tussen nauurse afstandstudie (oor ʼn netwerk van sentrums of via e-leer) en voltydse studie by een van ons kampusse in die Paarl of in Pretoria. Die junior adviseur: Bemarking se rol is om studentegetalle te verhoog deur goeie verhoudings met skole, ouers, besighede en gemeenskappe te bou, waardevolle raad aan voornemende studente te bied, en hulle deur die studieaansoekproses te begelei sodat hulle die beste studieroete kies.

V E R A N T W O O R D E L I K H E D E

• Werf voornemende studente deur raadgewing en begeleiding.

• Neem verantwoordelikheid vir die opslaan en bemanning van stalletjies by skole, besighede en ander geleenthede.

• Beplan en voer bemarkings- en werwingsaktiwiteite uit in samewerking met die koördineerder: Bemarkingsprojekte.

• Bou en onderhou verhoudings met teikengroepe in jou toegewyde streek.

P O S V E R E I S T E S

• ʼn graad in Ondernemingsbestuur, Bemarking, Kommunikasie of ʼn gelykstaande kwalifikasie

• een tot drie jaar se ervaring in algemene ondernemingsbestuur, bemarking en/of werwing

• ʼn gewilligheid om te reis met ʼn geldige bestuurslisensie en eie voertuig

• uitstekende beplannings-, organiserings- en administratiewe vaardighede

• ervaring in ʼn hoëronderwysomgewing (voordelig)

V A A R D I G H E D E

• goeie kommunikasievaardighede

• interpersoonlike vaardighede

• goeie tydsbestuurvaardighede

• vermoë om probleme op te los en inisiatief te neem

• diensgerigte ingesteldheid

• implementerings- en uitvoeringsvermoë

• databestuurvaardighede

• aanpasbaarheid

• prioritiseringsvermoë

• leergierigheid