Akademia is ʼn Christelike, klassieke en onafhanklike hoëronderwysinstelling wat verbind is tot die uitnemende opleiding en vorming van studente vanuit en vir Afrikaanse taal- en kultuurgemeenskappe. Akademia het tans ʼn twaalfmaandekontrak vir ʼn voltydse intern in die Bemarking en Kommunikasie afdeling se Bemarking-span beskikbaar.

P O S D O E L S T E L L I N G

Die intern sal bemarkingsprojekte en -aktiwiteite ondersteun deur navrae te hanteer, logistieke en kommunikasieondersteuning te bied, en navorsing oor bemarkings- en werwingstendense uit te voer. Die intern: Bemarking sal verder die Bemarking-span ondersteun deur administratiewe, projek- en dataverwante take doeltreffend uit te voer, terwyl praktiese bemarkingservaring binne ʼn professionele werksomgewing opgedoen word.

V E R A N T W O O R D E L I K H E D E

• ondersteuning met die beplanning en die uitvoer van bemarkingsprojekte

• hantering van algemene navrae van voornemende studente en kliënte

• bemanning van uitstallings, loopbaanskoue en ander bemarkingsgeleenthede

• logistieke hantering van bemarkingsmateriaal en bywerking van kliëntebestuurstelsels

• kommunikasie met voornemende studente via SMS, WhatsApp en e-pos

• ondersteuning aan voornemende studente met studieaansoeke

• navorsing oor die nuutste bemarkingstendense in hoër onderwys en die voorkeure van voornemende studente

• uitvoer van ad hoc-take soos deur die lynhoof versoek

P O S V E R E I S T E S

• finalejaarstudent of gegradueerde in Bemarking, Kommunikasie, Ondernemingsbestuur of ʼn ander gepaste kwalifikasie

• kennis van Akademia en die hoëronderwysomgewing

• geldige bestuurslisensie en eie vervoer

• ervaring of blootstelling aan bemarking, werwing en diensleweringsomgewings (voordelig)

• voltydse beskikbaarheid in Centurion vir die duur van die internskap

V A A R D I G H E D E

• goeie kommunikasievaardighede

• interpersoonlike vaardighede

• administratiewe en organisatoriese vaardighede

• vermoë om onafhanklik en binne ʼn span te werk

• vermoë om te prioritiseer, sperdatums na te kom en doelwitte te bereik

• probleemoplossingsvaardighede en aanpasbaarheid in verskillende situasies

• inisiatief, dryfkrag, motivering en ʼn positiewe ingesteldheid

• vermoë om prosesse te ontwikkel en te implementeer

• ʼn oog vir detail